Génesis 11

¹ ויהי כל הארץ שפה אחת ודברים אחדים ² ויהי בנסעם מקדם וימצאו בקעה בארץ שנער וישבו שם ³ ויאמרו איש אל רעהו הבה נלבנה לבנים ונשרפה לשרפה ותהי להם הלבנה לאבן והחמר היה להם לחמר ⁴ ויאמרו הבה נבנה לנו עיר ומגדל וראשו בשמים ונעשה לנו שם פן נפוץ על פני כל הארץ ⁵ וירד יהוה לראות את העיר ואת המגדל אשר בנו בני האדם ⁶ ויאמר יהוה הן עם אחד ושפה אחת לכלם וזה החלם לעשות ועתה לא יבצר מהם כל אשר יזמנו לעשות ⁷ הבה נרדה ונבלה שם שפתים אשר לא ישמע איש את שפת רעהו ⁸ ויפץ יהוה אתם משם על פני כל הארץ ויחדלו לבנות את העיר ואת המגדל ⁹ על כן קרא שמה בבל כי שם בלל יהוה את שפת כל הארץ ומשם הפיצם יהוה על פני כל הארץ ¹⁰ אלה תולדת שם שם בן מאת שנה ויולד את ארפכשד שנתים אחרי המבול ¹¹ ויחי שם אחרי הולידו את ארפכשד חמש מאות שנה ויולד בנים ובנות ויהיו כל ימי שם שש מאות שנה וימת ¹² וארפכשד חי חמש ושלשים ומאת שנה ויולד את שלח ¹³ ויחי ארפכשד אחרי הולידו את שלח שלש שנים ושלש מאות שנה ויולד בנים ובנות ויהיו כל ימי ארפכשד שמנה ושלשים שנה וארבע מאות שנה וימת ¹⁴ ויחי שלח שלשים שנה ומאת שנה ויולד את עבר ¹⁵ ויחי שלח אחרי הולידו את עבר שלש שנים ושלש מאות שנה ויולד בנים ובנות ויחיו כל ימי שלח שלש ושלשים שנה וארבע מאות שנה וימת ¹⁶ ויחי עבר ארבע ושלשים ומאת שנה ויולד את פלג ¹⁷ ויחי עבר אחרי הולידו את פלג שבעים שנה ומאתים . שנה ויולד בנים ובנות ויהיו כל ימי עבר ארבע שנימ וארבע מאות שנה וימת ¹⁸ ויחי פלנ שלשימ שנה ומאת שנה ויולד את רעו ¹⁹ ויחי פלג אחרי הולידו את רעו תשע שנים ומאת שנה ויולד בנים ובנות ויהיו כל ימי פלג תשע ושלשים ומאתים שנה וימת ²⁰ ויחי רעו שתים ושלשים ומאת שנה ויולד את שרוג ²¹ ויחי רעו אחרי הולידו את שרוג שבע שנים ומאת שנה ויולד בנים ובנות ויהיו כל ימי רעו תשע ושלשים ומאתים שנה וימת ²² ויחי שרוג שלשים שנה ומאת שנה ויולד את נחור ²³ ויחי שרוג אחרי הולידו את נחור מאת שנה ויולד בנים ובנות ויהיו כל ימי שרוג שלשים שנה ומאתים שנה וימת ²⁴ ויחי נחור תשע ושבעים שנה ויולד את תרח ²⁵ ויחי נחור אחרי הולידו את תרח תשע . שנים וששים שנה ויולד בנים ובנות ויהיו כל ימי נחור שמנה וארבעים שנה ומאת שנה וימת ²⁶ ויחי תרח שבעים שנה ויולד את אברם את נחור ואת הרן ²⁷ אלה תולדת תרח תרח הוליד את אברם את נחור ואת הרן והרן הוליד את לוט ²⁸ וימת הרן על פני תרח אביו בארץ מולדתו באור כשדים ²⁹ ויקח אברם ונחור להם נשים שם אשת אברם שרי ושם אשת נחור מלכה בת הרן אבי מלכה ואבי יסכה ³⁰ ותהי שרי עקרה אין לה ילד ³¹ ויקח תרח את אברם בנו ואת לוט בן הרן בן בנו ואת שרי ואת מלכה כלותו אשת אברם ונחור בניו ויוצא אתם מאור כשדים ללכת ארצה כנען ויבאו עד חרן וישבו שם ³² ויהיו ימי תרח חמש שנים וארבעים ומאת שנה וימת תרח בחרן