Levítico 6

¹ וידבר יהוה אל משה לאמר ² צוה את אהרן ואת בניו לאמר זאת תורת העלה היא העלה על המוקדה על המזבח כל הלילה עד הבקר ואש המזבח תוקד בו ³ ולבש הכהן מדי בד ומכנסי בד ילבש על בשרו והרים את הדשן אשר תאכל האש את העלה על המזבח ושמו אצל המזבח ⁴ ופשט את בגדיו ולבש בגדים אחרים והוציא את הדשן אל מחוץ למחנה אל מקום טהור ⁵ והאש על המזבח תוקד בו לא תכבה ובער עליה הכהן עצים בבקר בבקר וערך עליה העלה והקטיר עליה חלבי שלמים ⁶ אש תמיד תוקד על המזבח לא תכבה ⁷ וזאת תורת המנחה הקריבו אתה בני אהרן לפני יהוה אל פני המזבח ⁸ והרים ממנה בקמצו מסלת המנחה ומשמנה ואת כל הלבונה אשר על המנחה והקטיר המזבחה אשה ריח ניחח אזכרתה ליהוה ⁹ והנותרת ממנה יאכל אהרן ובניו מצות תאכל במקום קדוש בחצר אהל מועד יאכלוה ¹⁰ לא תאפה חמץ חלקם נתתי אתה מאשי יהוה קדש קדשים היא כחטאת וכאשם ¹¹ כל זכר בבני אהרן יאכלנה חק עולם לדרתיכם מאשי יהוה כל אשר יגע בהם יקדש ¹² וידבר יהוה אל משה לאמר ¹³ זה קרבן אהרן ובניו אשר יקריבו ליהוה ביום המשח אתו עשירת האיפה סלת למנחה תמיד מחציתה בבקר ומחציתה בין הערבים ¹⁴ על המחבת בשמן תעשה מרבכת תביאנה תופני מנחת פתים תקריב ריח ניחח ליהוה ¹⁵ הכהן המשיח תחתיו מבניו יעשה אתה חק עולם ליהוה כליל תקטיר ¹⁶ וכל מנחת כהן כליל תהיה לא תאכל ¹⁷ וידבר יהוה אל משה לאמר ¹⁸ דבר אל אהרן ואל בניו לאמר זאת תורת החטאת במקום אשר תשחט העלה תשחט החטאת לפני יהוה קדש קדשים היא ¹⁹ הכהן המחטא אתה יאכלנה במקום קדוש תאכל בחצר אהל מועד ²⁰ כל אשר יגע בבשרה יקדש ואשר יזה מדמה על הבגד אשר יזה עליו יכבס במקום קדוש ²¹ וכלי חרש אשר תבשל בו ישבר ואם בכלי נחשת בשלה ומרק ושטף במים ²² כל זכר בכהנים יאכל אתה קדש קדשים היא ²³ וכל חטאת אשר יבוא מדמה אל אהל מועד לכפר בקדש לא תאכל באש תשרף ²⁴ 0 ²⁵ 0 ²⁶ 0 ²⁷ 0 ²⁸ 0 ²⁹ 0 ³⁰ 0