Números 23

¹ ויאמר בלעם אל בלק עשה לי בזה שבעה מזבחות והכן לי בזה שבעה פרים ושבעה אילים ² ויעש בלק כאשר דבר בלעם ויעל בלק ובלעם פר ואיל במזבח ³ ויאמר בלעם אל בלק התיצב על עלתיך ואלכה . אולי יקרא אלהים לקראתי ודבר מה יראני והגדתי לך וילך . . . . . . . . . שפי ⁴ וימצא מלאך אלהים את בלעם ויאמר אליו את שבעת המזבחת ערכתי ואעלה פר ואיל במזבח ⁵ וישם מלאך יהוה דבר בפי בלעם ויאמר שוב אל בלק וכה תדבר ⁶ וישב אליו והנה נצב על עלתיו הוא וכל שרי מואב ⁷ וישא משלו ויאמר . מארם ינחני בלק מלך מואב מהררי קדם לכה ארה לי יעקב ולכה זעמה ישראל ⁸ מה אקב לא קבה אל ומה אזעם לא זעם יהוה ⁹ כי מראש צורים אראנו ומגבעות אשורנו הן עם לבדד ישכן ובגוים לא יתחשב ¹⁰ מי מנה עפר יעקב ומי ספר . מרבעת ישראל תמות נפשי מות ישרים ותהי אחריתי כמהו ¹¹ ויאמר בלק אל בלעם מה עשית לי לקב איבי לקחתיך והנה ברכת ברוך ¹² ויען ויאמר הלוא את אשר ישים יהוה בפיי אתו אשמר לדבר ¹³ ויאמר אליו בלק לך נא אתי אל מקום אחר . תראנו משם אפס קצהו תראה וכלו לא תראה וקבנו לי משם ¹⁴ ויקחהו שדה צפים אל ראש הפסגה ויבן . שבעה מזבחות ויעל פר ואיל במזבח ¹⁵ ויאמר . אל בלק התיצב . על עלתיך ואנכי אקרא כה ¹⁶ ויקרא מלאך יהוה אל בלעם וישם דבר בפיו ויאמר שוב אל בלק וכה תדבר ¹⁷ ויבא אליו והנה נצב על עלתיו ושרי מואב אתו ויאמר אליו בלק מה דבר יהוה ¹⁸ וישא משלו ויאמר קומה בלק ושמעה האזינה עדי בנו צפור ¹⁹ לא איש אל ויכזב ובן אדם ויתנחם ההוא אמר ולא יעשה דבר ולא יקימנה ²⁰ הן לברך לקחתי אברך ולא אשיבנה ²¹ לא אביט עון ביעקב ולא ראה עמל בישראל יהוה אלהיו עמו ותרועת מלך בו ²² אל מוציאם ממצרים כתעפת ראם לו ²³ כי לא נחש ביעקב ולא קסם בישראל כעת יאמר ליעקב ולישראל מה פעל אל ²⁴ הן עם כלביה יקום וכאריה יתנשא לא ישכב עד יאכל טרף ודם חללים ישתה ²⁵ ויאמר בלק אל בלעם גם קב לא תקבנו וגם ברוך לא תברכנו ²⁶ ויען בלעם ויאמר אל בלק הלא דברתי אליך לאמר כל הדבר אשר ידבר האלהים אתו אעשה ²⁷ ויאמר בלק אל בלעם לך נא אקחך אל מקום אחר אולי יישר בעיני האלהים וקבתו לי משם ²⁸ ויקח בלק את בלעם ראש הפעור הנשקף על פני הישמון ²⁹ ויאמר בלעם אל בלק בנה לי בזה שבעה מזבחות והכן לי בזה שבעה פרים ושבעה אילים ³⁰ ויעש בלק כאשר דבר בלעם ויעל פר ואיל אל המזבח