Génesis 44

¹ ויצו את אשר על ביתו לאמר מלא את אמתחת האנשים אכל כאשר יוכלון שאת ושים כסף איש בפי אמתחתו ² ואת גביעי גביע הכסף תשים בפי אמתחת הקטן ואת כסף שברו ויעש כדבר יוסף אשר דבר ³ הבקר אור והאנשים שלחו הם וחמריהם ⁴ הם יצאו את העיר לא הרחיקו ויוסף אמר לאשר על ביתו קום רדף אחרי האנשים והשגתם ואמרת אליהם למה שלמתם רעה תחת טובה ⁵ הלוא זה אשר ישתה אדני בו והוא נחש ינחש בו הרעתם אשר עשיתם ⁶ וישגם וידבר אליהם את הדברים האלה ⁷ ויאמרו . למה ידבר אדני כדברים האלה חלילה לעבדיך מעשות כדבר הזה ⁸ הן הכסף אשר מצאנו בפי אמתחתינו השבנו אליך מארץ כנען ואיך נגנב מבית אדניך כסף או זהב ⁹ אשר ימצא אתו מעבדיך יומת וגם אנחנו נהיה לאדני לעבדים ¹⁰ ויאמר גם עתה כדבריכם כן הוא אשר ימצא אתו יהיה לי עבד ואתם תהיו נקוים ¹¹ וימהרו ויורדו איש . אמתחתו ארצה ויפתחו איש אמתחתו ¹² ויחפש בגדול החל ובקטן כלה וימצא הגביע באמתחת בנימים ¹³ ויקרעו שמלתם ויעמסו איש על חמרו וישבו העירה ¹⁴ ויבא יהודה ואחיו ביתה יוסף והוא עודנו שם ויפלו לפניו ארצה ¹⁵ ויאמר להם יוסף מה המעשה הזה אשר עשיתם הלוא ידעתם כי נחש ינחש איש אשר כמוני ¹⁶ ויאמר יהודה מה נאמר לאדני ומה נדבר ומה נצטדק והאלהים מצא את עון עבדיך הננו עבדים לאדני גם אנחנו גם אשר נמצא הגביע בידו ¹⁷ ויאמר חלילה לי מעשות זאת האיש אשר נמצא הגביע בידו הוא יהוה לי עבד ואתם עלו לשלום אל אביכם ¹⁸ ויגש אליו יהודה ויאמר בי אדני ידבר נא עבדך דבר באזני אדני ואל יחר אפך בעבדך כי כמוך כפרעה ¹⁹ אדני שאל את עבדיו לאמר היש לכם אב או אח ²⁰ ונאמר אל אדני יש לנו אב זקן וילד זקנים קטן אחיו מת ויותר הוא לבדו לאמו ואביו אהבו ²¹ ותאמר אל עבדיך הורידהו אלי ואשימה עיני עליו ²² ונאמר אל אדני לא יוכל הנער לעזב את אביו ועזב את אביו ומת ²³ ותאמר אל עבדיך אם לא ירד אחיכם הקטן אתכם לא תוסיפון לראות פני ²⁴ ויהי כי עלינו אל עבדך אבינו ונגיד לו את דברי אדני ²⁵ ויאמר אבינו שובו שברו לנו מעט אכל ²⁶ ונאמר לא נוכל לרדת אם יש אחינו הקטן אתנו וירדנו כי לא נוכל לראות את פני האיש ואחינו הקטן איננו אתנו ²⁷ ויאמר עבדך אבי אלינו אתם ידעתם כי שנים ילדה לי אשתי ²⁸ ויצא האחד מאתי ואמר אך טרף טרף ולא ראיתיו עד הנה ²⁹ ולקחתם גם את זה מעם פני וקראהו אסון והורדתם את שיבתי ברעה שאלה ³⁰ ועתה כבאי אל עבדך אבי והנער איננו אתי ונפשו קשורה בנפשו ³¹ והיה כראותו כי אין הנער אתנו ומת והורידו עבדיך את שיבת עבדך אבינו ביגון שאלה ³² כי עבדך ערב את הנער מעם אביו לאמר אם לא אביאנו אליך וחטאתי לאבי כל הימים ³³ ועתה ישב נא עבדך תחת הנער עבד לאדני והנער יעלה עם אחיו ³⁴ כי איך אעלה אל אבי והנער איננו אתי פן אראה ברעה אשר תמצא את אבי