Génesis 45

¹ ולא יכל יוסף להתאפק לכל הנצבים עליו ויקרא והוציאו כל איש מעליו ולא עמד איש אתו בהתודע יוסף אל אחיו ² ויתן את קולו בבכי וישמעו מצרים וישמעו בית פרעה ³ ויאמר יוסף אל אחיו אני יוסף העוד אבי חי ולא יכלו אחיו לענות אתו כי נבהלו מפניו ⁴ ויאמר יוסף אל אחיו גשו נא אלי ויגשו ויאמר אני יוסף אחיכם אשר מכרתם אתי מצרימה ⁵ ועתה אל תעצבו ואל יחר בעיניכם כי מכרתם אתי הנה כי למחיה שלחני אלהים לפניכם ⁶ כי זה שנתים רעב בקרב הארץ ועוד חמש שנים אשר אין חריש וקציר ⁷ וישלחני אלהים לפניכם לשים לכם שארות בארץ ולהחיות לכם פלטה גדלה ⁸ ועתה לא אתם שלחתם אתי הנה כי האלהים וישמני לאב לפרעה ולאדון לכל ביתו ומשל בכל ארץ מצרים ⁹ מהרו ועלו אל אבי ואמרתם אליו כה אמר בנך יוסף שמני אלהים לאדון לכל מצרים רדה אלי אל תעמד ¹⁰ וישבת בארץ גשן והיית קרוב אלי אתה ובניך ובני בניך צאנך ובקרך וכל אשר לך ¹¹ וכלכלתי אתך שם כי עוד חמש שנים רעב פן תורש אתה וביתך וכל אשר לך ¹² והנה עיניכם ראות ועיני אחי בנימים כי פיי המדבר אליכם ¹³ והגדתם לאבי את כל כבודי במצרים ואת כל אשר ראיתם ומהרתם והורדתם את אבי הנה ¹⁴ ויפל על צואר . בנימים אחיו ויבך . ובנימים בכה על צוארו ¹⁵ וינשק לכל אחיו ויבך עליהם ואחרי כן דברו אחיו אתו ¹⁶ והקול נשמע בית פרעה לאמר באו אחי יוסף וייטב בעיני פרעה ובעיני עבדיו ¹⁷ ויאמר פרעה אל יוסף אמר אל אחיך זאת עשו טענו את בעירכם ולכו ובאו ארצה כנען ¹⁸ וקחו את אביכם ואת בתיכם ובאו אלי ואתן לכם את טוב ארץ מצרים ואכלו את חלב הארץ ¹⁹ ואתה צויתי זאת עשו קחו לכם מארץ מצרים עגלות לטפכם ולנשיכם ונשאתם את אביכם ובאתם ²⁰ ועיניכם אל תחוס על כליכם כי טוב כל ארץ מצרים לכם הוא ²¹ ויעשו כן בני ישראל ויתן להם יוסף עגלות על פי פרעה ויתן להם צדה לדרך ²² לכלם נתן לאיש חליפת שמלות ולבנימים נתן שלש מאות כסף וחמש חליפת שמלות ²³ ולאביו שלח כזאת עשרה חמרים נשאים מטוב ארץ מצרים ועשר אתנות נשאות בר ולחם ומזון לאביו לדרך ²⁴ וישלח את אחיו וילכו ויאמר אלהים אל תתרגזו בדרך ²⁵ ויעלו ממצרים ויבאו ארצה כנען אל יעקב אביהם ²⁶ ויגדו לו לאמר עוד יוסף חי וכי הוא משל בכל ארץ מצרים ויפג לבו כי לא האמן להם ²⁷ וידברו אליו את כל דברי יוסף אשר דבר אליהם וירא את העגלות אשר שלח יוסף לשאת אתו ותחי רוח יעקב אביהם ²⁸ ויאמר ישראל רב עוד יוסף בני חי אלכה ואראנו בטרם אמות